وكم من #امراة حول العالم تتعرض يوميا" #للتعنيف …
#اليوم_العالمي_للقضاء_على_العنف_ضد_المرأة 
بهيدا اليوم بدي وجه رسالة لكل ولد بمد ايدو على مرتو او اختو او امو.
لكل أب بيضرب الام قدام ولادا.

انتَ منّك رجال لان الرجال يلي بحب امراة وبيتزوجا وبياخدا من بيت اهلا ليسكنو سوا ويعملو #عيلة حلوة لازم يعززا ويكرما ويحترما هيدا اقل شي ممكن يعملو مش يهينا ويبهدلها ويضربا ويعنفا.

الضرب هو تعنيف#
السب هو تعنيف#
التعب_النفسي هو تعنيف#
التعب_الجسدي هو تعنيف#
الحرمان من #الاطفال هو تعنيف# 
الاذلال و #الابتزاز هو تعنيف#
التهديد هو تعنيف#

ما بدنا ننسى كم امراة ماتت من ورا التعنيف الزوجي،
ما بدنا ننسا كم صبية ماتت على ايد بيا او خيا جراء العقلية الرجعية ومسائل الشرف، 
ما بدنا ننسى كم ام عم تتعذب وتتعنف يوميا وبعدا ساكتة لحتى تضل مع اطفالا،
ما بدنا ننسى كم بنت بتنذل يوميا لتقدر تنزل عشغلا او لتضلا بشغلا،
ما بدنا ننسى الام يلي بتضلا تتهدد انا رح تنحرم من اطفالا اذا بتترك بيتا (يعني يا بتضلا تاكل قتل يا بتبطل تشوف ولادا😞)
ما بدنا ننسى الكلام السخيف يلي بتسمعوا المرأة بحياتها كونها فقط امرأة،

بس كتار ما بيعرفو انو (في كتير نسوان اخوات رجال وقدها وخلي ابن مرا يطلع فين)

خلينا نعلي صوتنا ونقول لكل امرأة مهدور حقا وعم تتعنف وبعدا ساكتة علي صوتك وحكي وما تضلك ساكتة كلنا معك وحدك، بس ما تنذلي لاي شخص. 

ونقول لكل رجل بسب المراة او بعنف المراة
(عفكرة او حتى انثى) لان اوقات النساء بتتعنف من ورا كره وخبث نساء تانيين،

انو المراة كيان والا اسما ومركزا وهويتا حتى لو كانت غير عاملة بس هي عم تعمل اسمى وظيفة بالكون ويلي هي شغل بيتا واستقبالا للضيوف ورسم الضحكة عوجا دائما" والركض ورا الاطفال وتلبية احتياجاتهم

قدرها واحترمها وحبها
اذا كان عندا حلم ساعدها تحققوا 
و اذا كانت تعبانة ساعدها 
واذا كانت زعلانة راضيها 
واذا كانت بردانة دفيها 
واذا كانت حاسة بالوحدة كون الا #خي ورفيق وصديق وزوج و #اب وكل شي 

حسسها انك دايما" معها وحدها مش ضدها 

بدي خبركن معلومة: 

بتعرفو انو #الاطفال يلي بيشهدو على تعنيف امهاتن غالبا" ما بيكبروا وبعاملو زوجاتهن بنفس الطريقة 
#ghadirsalahaldine 
#coachingwithghadir